السلام عليكم والرحمه
هذا الله مير يسلمك ذاك اليوم وانا جالسه على كنب بيتنا << يعنني عندنا كنب
واجلس اقلب في جريدة الرياض وكل شوي طايحه على الارض
واقرى ذاك الخبر حق الجيزاني الي بدلووه مع تركي ولخبطه
ومير جاني احساس وشعور والهام ومها ومنيره وريم وساره وشذى ونوره
وجلست افكر وافكر وافكر وغفيت شوي همن صحيت وكملت تفكير
وقلت لايكون انا بعد مبدله << معد ورى
واروح لاميمتي وهي في المطبخ ولاهيتن تزين مصابيب
انا : يمه يمه يمه يمه
مامي << يقالي كشخه : وجعتين وشو
انا : انا بنتس ؟
اميمتي : لا انتي بنت ام الدحمي جيرانا
ومير ارووح اركض لغرفتي وانا ابتسي ودمعي اربع اربع واستلقى على سريري وامسك دبي واجلس ابتسي وابتسي وابتسي << نصابه قصم ماعندي دب بس يقالي مثل هالبني
لا صدز ومير انقز واجيب شنطتي وحطيت فيها لاب توبي وقواطي تونه وفقس
وانزل و البس عباتي واكتب رساله وداع لاهلي واعلقها على الباب
(( إلى اهلي النصابين الي قالو اني بنتهم وانا منيب بنتهم
تراني برووح الى الابد
الى القاء
ابنتكم المخلصه ))
المهم واروح لبيت ام الدحمي
وادقدق الجرس عليهم
واسمع ذاك الصووت الي يوم سمعته يفز قلبي وحسيت فيه حنان امومه << امحق حناان ياعمري ياعربوجـهـ اسمع بالحنان
خيرررررر وجع بلا وجع وشذا الازعاج
ويوم انفتح الباب ومير ارجفه << بعلمكم اني قويه
واجلس اصيح واضم الحرمه الي فتحت لي الباب يمه يمه اشتقت لتس وراتس تركتيني وش انا مزينه لكم
ام الدحمي : قصم موب بيدي بس رجلي غصبني << تعيش الجو بصرعه
واجلس ابتسي صدز يعني انا بنتس صدز ؟
ام الدحمي : هااو وشو بنته الله يصلح حالتس اقول عربوجـهـ طسي بيت اهلتس بس
انا : بس انتي امي
ام الدحمي : من زينتس عشان اصير امتس انا بحلتن بذا الي عندي تجين تنشبين لي
انا : الله وعندي اخوان بعد <<< يعنني موب مسنتره عن جيرانهم 24 ساعه
ام الدحمي : عربوجـهـ قصم مالي خلقتس وخري من خشتي خليني اروح اكمل غسيل الحووش
انا : طيب اذا انتي موب امي من امي (( خشتن تعبر ))
ام الدحمي : انتي اصلا امتس خطفتس من ايطاليين ولا انتي منتب سعوديه
انا : وانا اقووول وراني احس اني اهبل وفيني زين مهوب في احد << مشكله الثقه
ام الدحمي : اقول صدز صدز شكل ماعندك مرايات في البيت تلايطي بس << اخلاق سياحيه
ومير ترقع في خشتي واتحطم واجلس اركض في الشارع ابتسي وشعري يتطاير <<< ودي دايم اسويها
المهم وقلت يابنت مالتس الا اهلتس
وارجع لبيتنا وانقز بدوون ماحد يشووفني واشقق الرساله << يعنني ما انحشت
وانقز لغرفتي واحط قواطي التونه تحت السرير واخمد
طبعا وبعد اسبوووع من المووضوع إلى كل الحاره دارين عن سالفتي
وام دحيم ماخلت احد ماقالت له وكل ما شفت احد قام يضحك علي
لا واثر اميمتي مصوره نسخ من الرساله وكل من قالت له ام الدحمي السالفه اميمتي ارسلت له نسخه من الرساله
وصارت سالفتي على كل لسان (( خشتن تعبر ))
ما يستفاااد :
1- ترى اهلك هم اهلك لاتفكر تتركهم
2- كل السالفه نصب << قولي قصم بس
3- لا فكرت ان اهلك مهوب اهلك لاتروح لام الدحمي وتقول لها انتي امي ترها بحلتن في بنتها
هههههههههههههههههههههههههههههههههههههههه
