قسم خآآص للشاعر(فهد المساعد)

الطفل والمحارم




كــــان في وسط المدينه...



طفلٍ أكبر من سنــــينه..




والده مات بحنــــانه..

ولاقعد يندب زمانه...






صادق هموم الشوارع ..

يمسح الدمـــع ويصارع ..

طفل لكن كان بارع ..
مات ابوه وجا مكانه ...






يمسح أطراف القوايل عن جبينه ..

يبعد الشمس ويطاردها بيدينه..







طفل أحزانه معالم..

طيب وسمح ومسالم..






يمشي ويطوح بصوته ..

يبغى قـــوت أمه وقوته ..







المحارم....المحارم....المحارم ..

المحارم....المحارم....المحارم ..







ولا أقبل الليل ..ورحل وجه النهار ..


راح لامه مثل الأطفال الصغار ..






وأرتمى في ...حظنها ..


أرتمى في....جفنها ..


أرتمى في....حزنها..







وقامت امه تبكي لضيعة سنينه ..


وصـــــاح...يمه


ليه يــاعمري حزينه؟ ..
دمعتك يالغاليه والله ثمينه ..







تحسبين أني حزين؟ ..


لا..وراسك ما ألين ..


من لقى هذا الحنين ..
ينسى حزنه..
ينسى همه...
ينسى حتى العمر كله..
دامــــك أنتي تحترينه..







وفي صباح من صباحات الضياع ..


الحزن قدر يقول له الوداع ..







نـــــــــادت أمه...ماسمع ..


صـــــاحت أمه...مانفع ..


طـــــاحت أمه...مارجع ..







الصغير اللي ملى الدنيا صراع...

مـــــــات ....من كثر الوجع


الشاعر::

فهد المساعد

اخر دروبي





يا بشر تكفـون حلّـو عـن سمايـه
ما يصيب الهرج لو الهـرج صوبـي

كـم سكـت لكـم بمـا فيـه الكفايـة
اشتموني لو زعلتـوا واشمتـوا بـي

عيبونـي واتركونـي فـي عمـايـه
واتركوا لي واحـد يرضـى عيوبـي

اتركـوا لـي واحـد يمسـح شقايـه
كل ما حـط الزمـن دوبـه ودوبـي

ذاك والله لا ذكـرت انــه ورايــه
اشعر إن الكـون كلـه وسـط ثوبـي

يكفـي انـه لـو يسولـف للمرايـه
كن صوته يهمس لصورتـه.. ذوبـي

كيف أنا مـا أذوب مـا دامـه معايـه
اسمعه وأسهر معـه لآخـر دروبـي

كل مـا قـال السهـر درب الغوايـة
قلت كلـه مـن عيونـك هبّلـوا بـي

وكل ما قـال الخطـا ماهـو خطايـه
قلت له قـل للعيـون السـود توبـي

ضيعتـنـي واســأل الله الهـدايـة
وين أجيب العقل.. أجيبه من جيوبـي

من يعرفـك مـا يـدل العقـل رايـة
يا شروق العمر.. مدري يـا غروبـي

أذكر انك كنـت لـي مثـل الهوايـة
لو تروح ولو تجـي يبقـى شحوبـي

بس مدري كيف صرت اليـوم غايـة
وصرت أجي وأروح مدري عن دروبي

يـا بعـد عمـر الكتابـة والقـرايـة
يا الشمالـي يابـو الملـح الجنوبـي

لا قريـت اللـي كتبتـه يـا رجايـه
رح وبلغ ربعـي اللـي جننـوا بـي

قلهـم يمكـن يخـلـون الوشـايـة
و إن تمادوا خلهم مهمـا حكـوا بـي

أنت خلك بـس فـي الدنيـا عزايـه
لا تفكر في العـواذل وأنـت صوبـي

ادري إن كـل درب ولــه نهـايـة
بس أنا باقـي معـك لآخـر دروبـي