● [ تخيلوا .. لو يفزع الج ـار للج ـار !! ] ●

قصيدة الشاعر / حامد زيد ..
عن اوضاع المسلمين ..
والانتهاكات اللي تصير فـ القدس ..
هي قصيدة قديمة للشاعر ..

بس حبيت انقلها لكم ..
لان بإختصار ..

ما أشبه اليوم بالبارحه

.

.

تخيلوا لو يفزع الجار للجار ..
في مجتمع حاقد وغاضب ومشحون ..

وتخيلوا لو تلتفت كل الانظار ..
للمشهد الي وقفت دونه عيون ..

وتخيلوا لما رحى الحرب تندار ..
مابين حكام العروبه وصهيون ..

اليا متى نستقبل ذنوب بأعذار ..
واليا متى نستنزف جروح بطعون ..

نتبع خطأ تيار ونصد تيار ..
نبعد وعدوان المسلمين يدنون ..

لو كان بقلوب العرب صبر واصرار ..
ماكان سووا فيكم الي يسوون ..

بهمالكم بدلتم الثار بالعار ..
بعتم تراب القدس وانتم تشوفون ..

حنا كذا بمعارض الراي شطار ..
لين أستوى بالمجد عالي ومطمون ..

من كثر ما كنا نجامل ونحتار ..
صرنا نخاف نعارض الي يقولون ..

القدس تصرخ والسما تحصد أعمار ..
والدم ينزف والارامل يموتون ..

وارواح تسلب سلب واعصاب تنهار ..
واطفال تعدم والبشر ما يحسون ..

خمسين عام نحارب الشرك بأحجار ..
وبسكوتنا نبني عمارات وحصون ..

ننسى وكأن الي حصل شي ماصار ..
نسكت وكأن مابيننا شخص مغبون ..

لين أشربوا من دم الاسلام كفار ..
وبعروقنا صاروا يروحون ويجون ..

استضعفوا لين اضعفوا كل الاقطار ..
ساقوا غضبهم والأوادم يصلون ..

يستدرجون العزل للسمح الابرار ..
يستمتعون بقتل الاطفال بالهون ..

ماكأنه الشعب مخلوق غدار ..
في قلب لا ساكن ولا هو بمسكون ..

بالذل ماتلقى على صيته غبار ..
كبارهم واطين وصغارهم دون ..

لابارك الله فيهم صغار وكبار ..
ولاجمع الله شملهم وين يسعون ..

وماتنطفي شمس الحقيقه ولو جار ..
فينا زمان الذل والضعف والهون ..

ودام الفشل والضعف ثلثين الاضرار ..
لابد ما نضحك ولا بد يبكون ..

وأن كانت قلوب العرب تنذر انذار ..
ليش نتجاهلهم وهم يستبدون ..

الناس قالت حارب النار بالنار ..
وما الله خلق للآدمي عمر مضمون ..

وان كانت الفزعه من أحرار لأحرار ..
حنا البروق الي غدت سحب ومزون ..

وحنا السكون اللي سبق عصف واعصار ..
وحنا سباع الكون يا (.....) الكون ..

وحنا عرب والعرب ماتترك الثار ..
بأفعالنا ماهي بقولة يقولون ..

نزعل ولكن بالزعل دمنا حار ..
نفزع اليا شفنا العذارى يصيحون ..

عقالنا معهم من العلم مقدار ..
ومجنوننا ينطح ثمانين مجنون ..

ياشعب يا ثاير ويا شعب مغوار ..
هون من اسباب المعاناه وتهون ..

أصرخ على كل البشر وأجهر أجهار ..
وخل اليهود إن مادروا عنك يدرون ..

وأجمع شتات الوقت تذكار تذكار ..
وأذكر مواقف كل طاعن ومطعون ..

حارب بدين الخالق النافع الضار ..
واستذكر الرحمن وابليس ملعون ..

اطرد من ارض الله عدوين الاذكار ..
وان جوك ولا جعلهم مايردون ..

ورح قلهم حنا على كل مشوار ..
وذوقوا مرارة نصف ما تستحقون ..

واذا رضيتم قولوا الوقت دوار ..
واذا زعلتوا سووا اللي تسوون ..

='(
منقول

يسلمووووو أختي عالأبيات الرااائعه
ننتظر جديدك

ننسى وكأن الي حصل شي ماصار ..
نسكت وكأن مابيننا شخص مغبون ..

لين أشربوا من دم الاسلام كفار ..
وبعروقنا صاروا يروحون ويجون ..

.
.

يسلـــــــــموووو غـــلآآآي

# الله يـــ ع ــــطيك الـــ ع ـــــافيه #

تــ ح ــــــــياتي ..

BoOo7 Al_msha3r

ابيات روووعه ..

و الاروع ..

نقلك ..

تقبلي مروري ..

يعطــــــيك العآآآآآآآآآآآآآفيه..خيتو

مشكووووووووووورة ع الابيات الراااااااائعه..

دمت بـــــــــود..